Nënkoloneli britanik që shërbeu në luftë dhe tani në paqe në Kosovë

Lajme

Nënkoloneli britanik, në shërbim të Kosovës në luftë e paqe.

Këtë të shtunë janë bërë plot 22 vite prejse nënkoloneli Martin Browning për herë të parë vizitoi Kosovën.

Por asokohe, Browning bashkë me shumë ushtarë të tjerë, morën rrugë për të ofruar ndihmë qytetarëve të cilët po dëboheshin e vriteshin pafajësisht.

Urdhri për t’u nisur drejt Kosovës kishte ardhur aq shpejt sa që Browning nuk pati mundësi t’i njoftojë familjen e tij për rrugëtimin e tij të ri. Por vite më pas, Browning thotë se ndjehet krenar për punën e tij këtu.

Browning, i cili ishte pjesë e brigadës së ushtarëve nga Britania, kishte dëgjuar për Kosovën.

Mirëpo ajo që e dallonte këtë vend nga zonat e tjera të konfliktit, thotë se ishte mirëpritja nga qytetarët.

Entuziazmin e kosovarëve, Browning po e krahason me të francezëve pasi që përfundimit të Luftës së Dytë Botërore. Prandaj nënkoloneli thotë se është i lumtur që u bë pjesë e këtij rrugëtimi të Kosovës.

Megjithatë, ndonëse ishte përfundimi i luftës, situata këtu vazhdonte të ishte e tendosur.

Browning i cili për herë të parë pas luftës, në Kosovë erdhi vitin e kaluar, thotë se vendi ka ndryshuar shumë. E vetmja gjë që s’ka ndryshuar, është mirënjohja e kosovarëve për britanikët.

Aktualisht ai shërben si këshilltar në FSK, mirëpo planifikon të vizitojë vendin të cilit i ka ofruar shumë, edhe pas pensionimit.

Leave a Reply

Your email address will not be published. Required fields are marked *