Për verdiktin e Gjykatës ndaj kriminelit Ratko Mlladiq ka reaguar edhe ministrja e Jashtme e Kosovës, Donika Gërvalla.
Kjo e fundit ka thënë se vendimi i Apelit është një verdikt edhe kundër nacionalizmit.
Sipas saj, nacionalizmi agresiv është rreziku më i madh për paqen në Ballkan.
“Verdikti final kundër Mlladiqit për agresionin dhe krimet e luftës së Serbisë është një verdikt kundër nacionalizmit gjithashtu. Me mbështetjen e BE-së dhe SHBA-së, dhe ne do të qëndrojmë kundër nacionalizmit agresiv që paraqet rrezikun më të madh ndaj paqes në Ballkan”, ka shkruajtur ministrja Gërvalla.
