Haradinaj befason me vendimin, do të marrë pjesë në takimin e ftuar nga Albin Kurti

Lajme

Kryeministri i ka ftuar opozitarët

Lideri i AAK-së, Ramush Haradinaj do të marrë pjesë në takimin e ftuar nga kryeministri i Kosovës, Albin Kurti.

Konfirmimin për pjesëmarrjen e Haradinajt e ka dhënë për Gazetën Express, zëdhënësi për media nga Aleanca për Ardhmërinë e Kosovës, Lulëzim Blakaj.

“Kryetari Haradinaj, do të takohet me Kryeministrin Kurti, në fillim të javës tjetër në orar të dakorduar bashkërisht”, tha Blakaj.

Kryeministri Kurti sot u ka dërguar ftesë për takime tre liderëve të subjekteve opozitare në Kuvend, Enver Hoxhaj (PDK), Lumir Abdixhiku (LDK), dhe Ramush Haradinaj (AAK).

Takimet planifikohet të mbahen gjatë fillimit të javës së ardhshme, sipas orareve të përshtatshme për të gjitha palët, dhe do të jenë në shërbim të mirinformimit dhe bashkërendimit të spektrit politik për çështje me interes të Republikës së Kosovës.

Leave a Reply

Your email address will not be published. Required fields are marked *