131 afganë arrijnë në Kosovë

Lajme

Grupi i tretë i qytetarëve afganë ka arritur në Kosovë më 31 gusht.

Aeroplani i forcave amerikane është nisur nga Gjermania ndërsa ka ateruar tashmë në Aeroportin ‘Adem Jashari’ rreth orës 17:00.

Në aeroplanin e forcave amerikane ishin gjithsej 131 afganë në bord.

Deri më tani në Kosovë janë strehuar 355 afganë, të cilët do të qëndrojnë përkohësisht në Kosova derisa t’iu rregullohet dokumentacioni për t’u vendosur në Shtetet e Bashkuara apo në ndonjë shtet tjetër anëtar të NATO-s.

Gjatë ditës së sotme, ministri i Brendshëm, Xhelal Sveçla deklaroi se pak pas mesnate në Kosovë kanë arritur 113 afganë, që ishin bashkëpunëtorë të NATO- dhe familjet e tyre.

“Strehimi i tyre është i përkohshëm edhe bazuar në vendimet e qeverisë. Ne kemi marrë zotimin e aleatëve tanë që strehimi i tyre të zgjatë sa më shkurt që është e mundur. Bëhet fjalë për çështje javësh, mos të them muajsh”,deklaroi ndër të tjerash ministri.

Leave a Reply

Your email address will not be published. Required fields are marked *